ಸ ವಿಪ್ರಯಾದವೇಶ್ವರಂ
ದ್ವಿಧಾಸ್ಥಿತಂ ಜನಾರ್ದ್ದನಮ್ ।
ಪುರೋ ನಿಧಾಯ ತದ್ ವಸು
ಪ್ರಭೂತಮಾನಮತ್ ತದಾ ॥೨೧.೨೦೫॥
ಭೀಮಸೇನನು ವ್ಯಾಸ-ಕೃಷ್ಣ ಎನ್ನುವ ಎರಡು ರೂಪದಲ್ಲಿರುವ
ಶ್ರೀಮನ್ನಾರಾಯಣನ ಮುಂದೆ ದಿಗ್ವಿಜಯದಲ್ಲಿ ಗಳಿಸಿದ, ಬಹಳವಾಗಿರುವ ಸಂಪತ್ತನ್ನಿಟ್ಟು, ಅವರಿಬ್ಬರಿಗೂ
ನಮಸ್ಕರಿಸಿದನು.
ಸೋsಭಿವಾದ್ಯಾಗ್ರಜಂ ಚೈವ ಯಥಾವೃತ್ತಂ ನ್ಯವೇದಯತ್ ।
ಆತ್ಮನಃ ಕೃಷ್ಣಯೋಃ
ಸರ್ವಂ ಧರ್ಮ್ಮರಾಜಾಗ್ರತೋ ಮುದಾ ॥೨೧.೨೦೬॥
ಭೀಮಸೇನನು ತನ್ನ ಅಣ್ಣನಾದ ಧರ್ಮರಾಜನನ್ನು ನಮಸ್ಕರಿಸಿ, ದಿಗ್ವಿಜಯಕಾಲದಲ್ಲಿ
ಏನು ನಡೆಯಿತೋ ಎಲ್ಲವನ್ನೂ ಹಾಗೇ ಯುಧಿಷ್ಠಿರನ ಮುಂಭಾಗದಲ್ಲಿ ವೇದವ್ಯಾಸರಿಗೆ ಮತ್ತು
ಶ್ರೀಕೃಷ್ಣನಿಗೆ ಹೇಳಿದ.
ಯಥಾ ಜಿತಾಃ ಕೀಚಕಾದ್ಯಾ
ಏಕಲವ್ಯಸಹಾಯವಾನ್ ।
ಯಥಾ ಜಿತಃ
ಪೌಣ್ಡ್ರಕಶ್ಚ ಕರ್ಣ್ಣಾದ್ಯಾಶ್ಚ ತಥಾsಪರೇ ॥೨೧.೨೦೭॥
ಯಥಾ ಸಿಂಹಾದಿತನವಃ
ಶೇಷವೀನ್ದ್ರೇನ್ದ್ರಪೂರ್ವಕಾಃ ।
ಯಥಾ ಗಜತನುಃ
ಶರ್ವಸ್ತಚ್ಚ ಸರ್ವಮವರ್ಣ್ಣಯತ್ ॥೨೧.೨೦೮॥
ಯಾವ ರೀತಿ ಕೀಚಕನೇ ಮೊದಲಾದವರು ಸೋತರೋ, ಏಕಲವ್ಯನ ಜೊತೆಗೂಡಿದ ಪೌಣ್ಡ್ರಕ ವಾಸುದೇವನು
ಹೇಗೆ ಸೋತನೋ, ಕರ್ಣಾದಿಗಳೂ ಕೂಡಾ ದಿಗ್ವಿಜಯದಲ್ಲಿ ಹೇಗೆ ತನ್ನಿಂದ ಸೋತರೋ, ಸಿಂಹ-ಹುಲಿ ಮೊದಲಾದ ರೂಪ ಧರಿಸಿದ ಶೇಷ-ಗರುಡ-ಇಂದ್ರನೇ ಮೊದಲಾಗಿ ಉಳ್ಳ ದೇವತೆಗಳು
ಹೇಗೆ ಪರಾಜಿತರಾದರೋ, ಆನೆಯ ರೂಪದಲ್ಲಿದ್ದ ರುದ್ರನು ಹೇಗೆ ತನ್ನಿಂದ ಪರಾಜಿತನಾದನೋ,
ಅದೆಲ್ಲವನ್ನೂ ಕೂಡಾ ಭೀಮ ವಿವರಿಸಿ ಹೇಳಿದ.
ಸಮ್ಭಾವಿತಶ್ಚ
ಕೃಷ್ಣಾಭ್ಯಾಂ ರಾಜ್ಞಾ ಚ ಸುಮಹಾಬಲಃ ।
ಆಜ್ಞಯಾ ವ್ಯಾಸದೇವಸ್ಯ
ಯಜ್ಞಾಙ್ಗಾನಿ ಸಮಾರ್ಜ್ಜಯತ್ ॥೨೧.೨೦೯॥
ವೇದವ್ಯಾಸರು, ಶ್ರೀಕೃಷ್ಣ
ಮತ್ತು ಯುಧಿಷ್ಠಿರನಿಂದಲೂ ಕೂಡಾ ಸತ್ಕೃತನಾದ, ಮಹಾಬಲನಾದ ಭೀಮಸೇನನು, ವೇದವ್ಯಾಸರ ಅಣತಿಯಿಂದ ಯಜ್ಞಕ್ಕೆ
ಬೇಕಾದ ದ್ರವ್ಯಗಳನ್ನು(ಸಾಧನಗಳನ್ನು) ಒಂದೆಡೆ ಕೂಡಿಸಿದನು.
ಊಚೇ ತಂ ಭಗವಾನ್
ವ್ಯಾಸೋ ಜಿತಂ ಸರ್ವಂ ತ್ವಯಾsರಿಹನ್ ।
ಜಯೇ ಸರ್ವಸ್ಯ ಯಜ್ಞೋsಯಂ ಪೂರ್ಣ್ಣೋ ಭವತಿ ನಾನ್ಯಥಾ ॥೨೧.೨೧೦॥
ವಿರಿಞ್ಚಃ ಸರ್ವಜಿತ್
ಪೂರ್ವಂ ದ್ವಿತೀಯಸ್ತ್ವಮಿಹಾಭವಃ ।
ಇತ್ಯುಕ್ತ್ವೈನಂ
ಸಮಾಶ್ಲಿಷ್ಯ ಯಜ್ಞಾಙ್ಗಾನಿ ಸಮಾದಿಶತ್ ॥೨೧.೨೧೧॥
ಷಡ್ಗುಣೈಶ್ವರ್ಯ ಸಂಪನ್ನರಾದ ವೇದವ್ಯಾಸರು ಭೀಮಸೇನನನ್ನು
ಕುರಿತು ಹೀಗೆ ಹೇಳಿದರು: ‘ಹಗೆಗಳನ್ನು ನಿಗ್ರಹಿಸುವವನೇ, ನಿನ್ನಿಂದ ಎಲ್ಲವೂ ಗೆಲ್ಲಲ್ಪಟ್ಟಿದೆ. ಎಲ್ಲರನ್ನೂ
ಗೆದ್ದರೆ ಮಾತ್ರ ಈ ರಾಜಸೂಯಯಾಗವು ಪೂರ್ಣವಾಗುತ್ತದೆ ಹೊರತು ಬೇರೆ ರೀತಿ ಅಲ್ಲ.
ಮೊದಲು ಬ್ರಹ್ಮದೇವನು ಎಲ್ಲರನ್ನೂ ಗೆದ್ದು ರಾಜಸೂಯಯಾಗವನ್ನು
ಮಾಡಿದ್ದ. ಈ ಯಾಗವನ್ನು ಮಾಡುವ ಎರಡನೆಯವನು ನೀನಾದೆ’. ಈರೀತಿಯಾಗಿ ಹೇಳಿದ ವೇದವ್ಯಾಸರು ಭೀಮಸೇನನನ್ನು
ಆಲಂಗಿಸಿ, ಯಜ್ಞಸಾಧನಗಳನ್ನು ಸಿದ್ಧಗೊಳಿಸಲು ಅವನಿಗೆ ಆಜ್ಞೆ ಮಾಡಿದರು.
