Mahabharata Tatparya Nirnaya Kannada 30-96-100

 

ಸರ್ವಯಜ್ಞಾತ್ಮಕಂ ತೇಷಾಮಶ್ವಮೇಧಂ ಜಗತ್ಪತಿಃ ।

ಕಾರಯಾಮಾಸ ಭಗವಾನ್ ಕೃಷ್ಣದ್ವೈಪಾಯನಃ ಸ್ವಯಮ್ ॥ ೩೦.೯೬ ॥

 

ಜಗತ್ತಿಗೇ ಒಡೆಯರಾದ, ಷಡ್ಗುಣೈಶ್ವರ್ಯ ಸಂಪನ್ನರಾದ ವೇದವ್ಯಾಸರು, ತಾವೇ ಮುಂದೆ ನಿಂತು ಯಜ್ಞದ ಎಲ್ಲಾ ಆಚರಣೆಯನ್ನೊಳಗೊಂಡ ಅಶ್ವಮೇಧವನ್ನು ಮಾಡಿಸುವವರಾದರು.

 

ಸಾಧನಾನಿ ತು ಸರ್ವಾಣಿ ಶಾಲಾಂ ಚೈವ ಹಿರಣ್ಮಯೀಮ್ ।

ಪವಮಾನಸುತಶ್ಚಕ್ರೇ ಕೃಷ್ಣದ್ವೈಪಾಯನೇರಿತಃ ॥ ೩೦.೯೭ ॥

 

ವೇದವ್ಯಾಸರಿಂದ ಪ್ರೇರಿಸಲ್ಪಟ್ಟ ಭೀಮಸೇನನು ಯಾಗಕ್ಕೆ ಬೇಕಾದ ಸಮಸ್ತಸಾಧನಗಳನ್ನು ಹೊಂದಿಸಿ, ಹಿರಣ್ಮಯವಾದ ಯಾಗಶಾಲೆಯನ್ನು ಮಾಡಿದನು.

 

 

ಅಥಾನುಮನ್ತ್ರಿತೋತ್ಸೃಷ್ಟಂ ಪುರೋಹಿತಪುರಸ್ಕೃತಮ್ ।

ತುರಗಂ ಕೃಷ್ಣಸಾರಙ್ಗಮನುವವ್ರಾಜ ವಾಸವಿಃ ॥ ೩೦.೯೮ ॥

 

ಧೀಕ್ಷೆಯನ್ನು ತೆಗೆದುಕೊಂಡ ನಂತರ ಅರ್ಜುನನು, ಅಭಿಮಂತ್ರಿತವಾಗಿ ಬಿಡಲ್ಪಟ್ಟ, ಕಪ್ಪು ಹಾಗೂ ಬಹುರೀತಿಯ ಬಣ್ಣವುಳ್ಳ ಯಜ್ಞತುರಗವನ್ನು, ಪುರೋಹಿತರೊಂದಿಗೆ ಕೂಡಿ, ಅನುಸರಿಸಿ ಹೊರಟನು.

 

ಸ ಜಿತ್ವಾ ರುನ್ಧತಃ ಸರ್ವಾನ್ ನೃಪತೀಞ್ಛಸ್ತ್ರತೇಜಸಾ ।

ಚಾರಯಾಮಾಸ ಸರ್ವೇಷು ರಾಷ್ಟ್ರೇಷ್ವವಿಜಿತೋSರಿಭಿಃ ॥ ೩೦.೯೯ ॥

 

ಅವನು ಕುದುರೆಯನ್ನು ಕಟ್ಟಿಹಾಕುವ ಎಲ್ಲಾ ರಾಜರನ್ನೂ ತನ್ನ ಶಸ್ತ್ರ ತೇಜಸ್ಸಿನಿಂದ ಗೆಲ್ಲುತ್ತಾ, ಎಲ್ಲಾ ರಾಜ್ಯಗಳಲ್ಲಿಯೂ ಕುದುರೆಯನ್ನು ಸಂಚಾರಮಾಡಿಸಿದನು.

 

ಯುಧಿಷ್ಠಿರಾಜ್ಞಯಾ ತೇನ ನ ಕಶ್ಚಿನ್ನಿಹತಸ್ತದಾ ।

ಆಹೂತಾಶ್ಚ ನೃಪಾಸ್ತೇನ ಯಜ್ಞಾರ್ತ್ಥಂ ಪ್ರೀಯತಾSಖಿಲಾಃ ॥ ೩೦.೧೦೦ ॥

 

ಯುಧಿಷ್ಠಿರನ ಆಜ್ಞೆಯಂತೆ ಅರ್ಜುನನಿಂದ ಯಾವ ರಾಜರೂ ಸಾಯಿಸಲ್ಪಡಲಿಲ್ಲ. ಪ್ರತಿಯಾಗಿ ಅವರೆಲ್ಲರನ್ನೂ  ಅರ್ಜುನ  ಪ್ರೀತಿಯಿಂದ ಯಜ್ಞಕ್ಕೆ ಆಹ್ವಾನ ಮಾಡಿದನು.