Mahabharata Tatparya Nirnaya Kannada 7.36-7.41

ಅಥ ಪ್ರಗೃಹ್ಯ ತಂ ಕಪಿಂ ಸಮೀಪಮಾನಯಂಶ್ಚ ತೇ ।

ನಿಶಾಚರೇಶ್ವರಸ್ಯ ತಂ ಸ ಪೃಷ್ಟವಾಂಶ್ಚ ರಾವಣಃ ॥೭.೩೬॥

ಕಪೇ ಕುತೋsಸಿ ಕಸ್ಯ ವಾ ಕಿಮರ್ತ್ಥಮೀದೃಶಂ ಕೃತಮ್ ।

ಇತೀರಿತಃ ಸ ಚಾವದತ್ ಪ್ರಣಮ್ಯ ರಾಮಮೀಶ್ವರಮ್ ॥೭.೩೭॥

ತದನಂತರ ಆ ದೈತ್ಯ ಪಡೆ ಮಹಾಕಪಿಯನ್ನು ಹಿಡಿದುಕೊಂಡು ರಾವಣನ ಸಮೀಪಕ್ಕೆ ಬರುತ್ತಾರೆ. ತನ್ನ ಮುಂದೆ ನಿಂತಿರುವ ಹನುಮಂತನನ್ನು ಕುರಿತು ರಾವಣ ಹೀಗೆ ಕೇಳುತ್ತಾನೆ:

“ಎಲೈ ಕಪಿಯೇ, ಎಲ್ಲಿಂದ ಬಂದಿರುವೆ ?  ನೀನು ಯಾರ ದಾಸನಾಗಿದ್ದೀಯ? ಏಕಾಗಿ ಈರೀತಿ ಮಾಡಿರುವೆ” ಎಂದು. ಈ ರೀತಿಯಾಗಿ ಕೇಳಲ್ಪಟ್ಟ  ಹನುಮಂತನು  ರಾಮಚಂದ್ರನಿಗೆ ನಮಸ್ಕರಿಸಿ ಉತ್ತರಿಸುತ್ತಾನೆ:

ಅವೈಹಿ ದೂತಮಾಗತಂ ದುರನ್ತವಿಕ್ರಮಸ್ಯ ಮಾಮ್ ।

ರಘೂತ್ತಮಸ್ಯ ಮಾರುತಿಂ ಕುಲಕ್ಷಯೇ ತವೇಶ್ವರಮ್ ॥೭.೩೮॥

“ಅತ್ಯಂತ ಪರಾಕ್ರಮಿಯಾದ ರಘೂತ್ತಮನ ಧೂತನಾಗಿರುವ ಹನುಮಂತನು ನಾನು. ನಿನ್ನ ಕುಲವನ್ನೇ ನಾಶ ಮಾಡುವುದರಲ್ಲಿ ಸಮರ್ಥನಾದ ರಾಮಧೂತ ಮಾರುತಿ ನಾನು ಎನ್ನುವುದನ್ನು ತಿಳಿ” ಎನ್ನುತ್ತಾನೆ ಹನುಮಂತ.

ನ ಚೇತ್ ಪ್ರದಾಸ್ಯಸಿ ತ್ವರನ್ ರಘೂತ್ತಮಪ್ರಿಯಾಂ ತದಾ ।

ಸಪುತ್ರಮಿತ್ರಬಾನ್ಧವೋ ವಿನಾಶಮಾಶು ಯಾಸ್ಯಸಿ ॥೭.೩೯॥

“ನೀನು ತಕ್ಷಣ ರಾಮನ ಪತ್ನಿಯಾದ ಸೀತೆಯನ್ನು ಶ್ರೀರಾಮನಿಗೆ ಒಪ್ಪಿಸದೇ ಇದ್ದಲ್ಲಿ, ಆಗ  ನಿನ್ನ  ಮಕ್ಕಳು, ಮಿತ್ರರು, ಬಂಧುಗಳಿಂದ ಕೂಡಿದವನಾಗಿ, ನೀನು ವಿನಾಶವನ್ನು ಹೊಂದುತ್ತೀಯ” ಎಂದು ರಾವಣನನ್ನು ಹನುಮಂತ ಎಚ್ಚರಿಸುತ್ತಾನೆ.

ನ ರಾಮಬಾಣಧಾರಣೇ ಕ್ಷಮಾಃ ಸುರೇಶ್ವರಾ ಅಪಿ ।

ವಿರಿಞ್ಚಶರ್ವಪೂರ್ವಕಾಃ ಕಿಮು ತ್ವಮಲ್ಪಸಾರಕಃ ॥೭.೪೦॥

ಪ್ರಕೋಪಿತಸ್ಯ ತಸ್ಯ ಕಃ ಪುರಃಸ್ಥಿತೌ ಕ್ಷಮೋ ಭವೇತ್ ।
ಸುರಾಸುರೋರಗಾದಿಕೇ ಜಗತ್ಯಚಿನ್ತ್ಯಕರ್ಮಣಃ ॥೭.೪೧॥

ರಾಮನ ಬಾಣವನ್ನು ತಡೆಯುವ ಶಕ್ತಿ ದೇವತೆಗಳಿಗೂ ಇಲ್ಲಾ. ಬ್ರಹ್ಮ-ರುದ್ರ ಮೊದಲಾದವರಿಗೂ ಆ ಸಾಮರ್ಥ್ಯವಿಲ್ಲ. ಹಾಗಿರುವಾಗ ಇನ್ನು ಅತ್ಯಂತ ಕಡಿಮೆ ಬಲವುಳ್ಳ ನೀನು ಎಲ್ಲಿಂದ ತಡೆದೀಯೇ?

ಮುನಿದ ರಾಮನ ಮುಂದೆ ನಿಲ್ಲಲು ದೇವತೆಗಳು, ಅಸುರರು, ಸರ್ಪಗಳು, ಇತರ ಜಗತ್ತಿನಲ್ಲಿರುವ ಯಾರೂ ಕೂಡಾ ಸಮರ್ಥರಲ್ಲ ಎನ್ನುವ ಸತ್ಯವನ್ನು ರಾವಣನಿಗೆ ಹನುಮಂತ ತಿಳಿಸುತ್ತಾನೆ.