Mahabharata Tatparya Nirnaya Kannada 8.152-8.158

ಇತ್ಯುಕ್ತೋ ಜಾಮ್ಬವಾನಾಹ ಹನೂಮನ್ತಮನನ್ತರಮ್ ।

ಯೋsಸೌ ಮೇರೋಃ ಸಮೀಪಸ್ಥೋ ಗನ್ಧಮಾದನಸಙ್ಜ್ಞಿತಃ ।

ಗಿರಿಸ್ತಸ್ಮಾತ್ ಸಮಾಹಾರ್ಯಂ ತ್ವಯೌಷಧಚತುಷ್ಟಯಮ್               ॥೮.೧೫೨॥

“ನಾನಿದ್ದೇನೆ” ಎಂದು ಹನುಮಂತ ಹೇಳಲು, ಜಾಂಬವಂತ ಹನುಮಂತನನ್ನು ಕುರಿತು: “ಮೇರುವಿನ ಸಮೀಪದಲ್ಲಿ ಗನ್ಧಮಾದನ ಎಂಬ ಹೆಸರುಳ್ಳ ಪರ್ವತವಿದೆ. ಅಲ್ಲಿ  ನಾಲ್ಕು ಔಷಧವಿದೆ. ಅದನ್ನು ತರಬೇಕು” ಎಂದು ಹೇಳಿದನು.

ಮೃತಸಞ್ಜೀವನೀ ಮುಖ್ಯಾ ಸನ್ಧಾನಕರಣೀ ಪರಾ ।

ಸವರ್ಣ್ಣಕರಣೀ ಚೈವ ವಿಶಲ್ಯಕರಣೀತಿ ಚ                                    ॥೮.೧೫೩॥

ಮುಖ್ಯವಾಗಿ ಮೃತಸಂಜೀವನಿ ಎನ್ನುವ ಸತ್ತವರನ್ನು ಬದುಕಿಸುವ ಔಷಧ, ಬಿಟ್ಟುಹೋದ ಅಂಗಾಂಗವನ್ನು ಸೇರಿಸುವ ಸನ್ಧಾನಕರಣೀ, ಬಣ್ಣವ್ಯತ್ಯಾಸ ಸರಿ ಪಡಿಸುವ  ಸವರ್ಣ್ಣಕರಣೀ ಮತ್ತು ದೇಹದಲ್ಲಿ ಸೇರಿಕೊಂಡ ಬಾಣಮೊದಲಾದ ಆಯುಧ ಭಾಗವನ್ನು ತೆಗೆಯಲು ವಿಶಲ್ಯಕರಣೀ ಎನ್ನುವ ನಾಲ್ಕು ವಿಧದ ಔಷಧವನ್ನು ಜಾಂಬವಂತ ಉಲ್ಲೇಖಿಸುತ್ತಾನೆ.

ಇತ್ಯುಕ್ತಃ ಸ ಕ್ಷಣೇನೈವ ಪ್ರಾಪತದ್ ಗನ್ಧಮಾದನಮ್ ।

ಅವಾಪ ಚಾಮ್ಬರಚರೋ ರಾಮಮುಕ್ತಃ ಶರೋ ಯಥಾ                   ॥೮.೧೫೪॥

ಈರೀತಿಯಾಗಿ ಹೇಳಲ್ಪಟ್ಟ ಹನುಮಂತನು ಆ ಕ್ಷಣದಲ್ಲಿಯೇ, ರಾಮ ಬಿಟ್ಟ ಬಾಣ ಹೇಗೆ ವೇಗದಿಂದ ಹೋಗುತ್ತದೋ ಹಾಗೇ ಗನ್ಧಮಾದನವನ್ನು ಕುರಿತು ಆಕಾಶದಲ್ಲಿ  ನೆಗೆದನು.

ಅನ್ತರ್ಹಿತಾಶ್ಚೌಷಧೀಸ್ತು ತದಾ ವಿಜ್ಞಾಯ ಮಾರುತಿಃ ।

ಉದ್ಬಬರ್ಹ ಗಿರಿಂ ಕ್ರೋಧಾಚ್ಛತಯೋಜನಮಣ್ಡಲಮ್                  ॥೮.೧೫೫॥

ಔಷಧಗಳೆಲ್ಲವೂ ಅಡಗಿಕೊಂಡಿವೆ ಎಂದು ತಿಳಿದ ಹನುಮಂತನು, ನೂರು ಯೋಜನಾ ಸುತ್ತಳತೆ ಇರುವ ಬೆಟ್ಟವನ್ನು ಸಿಟ್ಟಿನಿಂದ ಎತ್ತಿದನು.

ಸ ತಂ ಸಮುತ್ಪಾಟ್ಯ ಗಿರಿಂ ಕರೇಣ ಪ್ರತೋಳಯಿತ್ವಾ ಬಲದೇವಸೂನುಃ ।

ಸಮುತ್ಪಾತಾಮ್ಬರಮುಗ್ರವೇಗೋ ಯಥಾ ಹರಿಶ್ಚಕ್ರಧರಸ್ತ್ರಿವಿಕ್ರಮೇ             ॥೮.೧೫೬॥

ಆ ಬೆಟ್ಟವನ್ನು ಕಿತ್ತು ಕೈಯಲ್ಲಿ ಹಿಡಿದ ಹನುಮಂತನು, ಆಕಾಶವನ್ನು ಉಗ್ರವೇಗನಾಗಿ ಜಿಗಿದ. ಯಾವ ರೀತಿ ನಾರಾಯಣನು ವಾಮನಾವತಾರದಲ್ಲಿ, ಮೂರು ಲೋಕವನ್ನು ಅಳೆಯುವಾಗ, ಎಷ್ಟು ವೇಗವಾಗಿ ವ್ಯಾಪಿಸಿದ್ದನೋ  ಆ ರೀತಿಯ ವೇಗದಲ್ಲಿ ಹನುಮಂತ ಜಿಗಿದ.

ಅವಾಪ ಚಾಕ್ಷ್ಣೋಃ ಸ ನಿಮೇಷಮಾತ್ರತೋ ನಿಪಾತಿತಾ ಯತ್ರ ಕಪಿ ಪ್ರವೀರಾಃ ।

ತಚ್ಛೈಲವಾತಸ್ಪರ್ಶಾತ್ ಸಮುತ್ಥಿತಾಃ ಸಮಸ್ತಶೋ ವಾನರಯೂಥಪಾಃ ಕ್ಷಣಾತ್  ॥೮.೧೫೭॥

ನಿಮಿಷಮಾತ್ರದಲ್ಲಿ ಎಲ್ಲಿ ಕಪಿಗಳು ಬಿದ್ದಿದ್ದರೋ ಆ ಸ್ಥಳಕ್ಕೆ ಹನುಮಂತ ಬಿಟ್ಟವನ್ನು ಕೈಯಲ್ಲಿ ಹಿಡಿದು ಬಂದ. ಆ ಬೆಟ್ಟವನ್ನು  ಬಳಸಿದ  ಗಾಳಿಯ ಸ್ಪರ್ಶದಿಂದ, ಕ್ಷಣಮಾತ್ರದಲ್ಲಿ ಕಪಿನಾಯಕರು ಎದ್ದು ನಿಂತರು.

ಅಪೂಜಯನ್ಮಾರುತಿಮುಗ್ರಪೌರುಷಂ ರಘೂತ್ತಮೋsಸ್ಯಾನುಜನಿಸ್ತಥಾsಪರೇ ।

ಪಪಾತ ಮೂರ್ಧ್ನ್ಯಸ್ಯ ಚ ಪುಷ್ಪಸನ್ತತಿಃ ಪ್ರಮೋದಿತೈರ್ದೇವವರೈರ್ವಿಸರ್ಜ್ಜಿತಾ ॥೮.೧೫೮॥

ಆ ರೀತಿ ಉಗ್ರವಾದ ಪರಾಕ್ರಮವುಳ್ಳ ಹನುಮಂತನನ್ನು ರಾಮಚಂದ್ರ, ಲಕ್ಷಣ, ಸುಗ್ರೀವ ಮೊದಲಾದವರು ಕೊಂಡಾಡಿದರು. ಸಂತಸಗೊಂಡ ದೇವತೆಗಳು ಮಾಡಿದ  ಪುಷ್ಪವೃಷ್ಟಿ ಹನುಮಂತನ ತಲೆಯಮೇಲೆ ಬಿತ್ತು.

ಕನ್ನಡ ಪದ್ಯರೂಪ:  https://go-kula.blogspot.com/2018/07/8-152-158.html