Mahabharata Tatparya Nirnaya Kannada 8.174-8.178

ಉಭೌ ಚ ತಾವಸ್ತ್ರವಿದಾಂ ವರಿಷ್ಠೌ ಶರೈಃ ಶರೀರಾನ್ತಕರೈಸ್ತತಕ್ಷತುಃ ।

ದಿಶಶ್ಚ  ಸರ್ವಾಃ ಪ್ರದಿಶಃ ಶರೋತ್ತಮೈರ್ವಿಧಾಯ ಶಿಕ್ಷಾಸ್ತ್ರಬಲೈರ್ನ್ನಿರನ್ತರಾಃ     ॥೮.೧೭೪ ॥

ಲಕ್ಷ್ಮಣ ಮತ್ತು ಇಂದ್ರಜಿತ್ ಇಬ್ಬರೂ ಕೂಡಾ ಶ್ರೇಷ್ಠ ಬಿಲ್ಲ್ಗಾರರು ಮತ್ತು ಅಸ್ತ್ರ ಬಲ್ಲವರು. ನಿರಂತರವಾದ ಅಭ್ಯಾಸ ಮತ್ತು ಅಸ್ತ್ರಬಲ ಹೊಂದಿದ ಅವರು, ಶರೀರವನ್ನು ನಾಶ ಮಾಡಬಲ್ಲ ಭಯಂಕರ ಬಾಣಗಳಿಂದ ಪರಸ್ಪರ ಯುದ್ಧ ಮಾಡಿದರು. ಇದರಿಂದಾಗಿ ದಿಕ್ಕು-ದಿಕ್ಕುಗಳಲ್ಲಿ ಬಾಣಗಳೇ ತುಂಬಿದವು.

ಅಸ್ತ್ರಾಣಿ ತಸ್ಯಾಸ್ತ್ರವರೈಃ ಸ ಲಕ್ಷ್ಮಣೋ ನಿವಾರ್ಯ್ಯ ಶತ್ರೋಶ್ಚಲಕುಣ್ಡಲೋಜ್ಜ್ವಲಮ್ ।

ಶಿರಃ ಶರೇಣಾsಶು ಸಮುನ್ಮಮಾಥ ಸುರೈಃ ಪ್ರಸೂನೈರಥ ಚಾಭಿವೃಷ್ಟಃ           ॥೮.೧೭೫॥

ಲಕ್ಷ್ಮಣನು  ಶ್ರೇಷ್ಠವಾದ ಅಸ್ತ್ರಗಳಿಂದ ಇಂದ್ರಜಿತುವಿನ ಅಸ್ತ್ರಗಳನ್ನು ತಡೆದು, ಒಂದು ಬಾಣದಿಂದ  ಕುಂಡಲದಿಂದ ಕೂಡಿರುವ ಇಂದ್ರಜಿತುವಿನ  ತಲೆಯನ್ನು ಕತ್ತರಿಸಿದನು. ಈ ರೀತಿ ಇಂದ್ರಜಿತುವನ್ನು ಸಂಹಾರ ಮಾಡಿದ ಲಕ್ಷ್ಮಣನು  ದೇವತೆಗಳ ಪುಷ್ಪವೃಷ್ಟಿಯಿಂದ ಅಭಿಷಿಕ್ತನಾದನು.

ನಿಪಾತಿತೇsಸ್ಮಿನ್ ನಿತರಾಂ ನಿಶಾಚರಾನ್ ಪ್ಲವಙ್ಗಮಾ ಜಘ್ನುರನೇಕಕೋಟಿಶಃ ।

ಹತಾವಶಿಷ್ಟಾಸ್ತು ದಶಾನನಾಯ ಶಶಂಸುರತ್ಯಾಪ್ತಸುತಪ್ರಣಾಶಮ್               ॥೮.೧೭೬॥

ಇಂದ್ರಜಿತ್ ಸಾಯುತ್ತಿದ್ದಂತೆ, ಕಪಿಗಳು ಅನೇಕ ಕೋಟಿ ಸಂಖ್ಯೆಯಲ್ಲಿರುವ ದೈತ್ಯರನ್ನು ಕೊಂದರು. ಅಳಿದುಳಿದ ದೈತ್ಯರು ಓಡಿಹೋಗಿ ರಾವಣನಿಗೆ ಆತನ ಅತ್ಯಂತ ಪ್ರೀತಿಪಾತ್ರನಾದ ಮಗನ ಸಾವಿನ ಸಮಾಚಾರವನ್ನು  ಹೇಳಿದರು.

ಸ ತನ್ನಿಶಮ್ಯಾಪ್ರಿಯಮುಗ್ರರೂಪಂ ಭೃಷಂ ವಿನಿಶ್ವಸ್ಯ ವಿಲಪ್ಯ ದುಃಖಾತ್ ।

ಸಂಸ್ಥಾಪಯಾಮಾಸ ಮತಿಂ ಪುನಶ್ಚ ಮರಿಷ್ಯ ಇತ್ಯೇವ ವಿನಿಶ್ಚಿತಾರ್ತ್ಥಃ          ॥೮.೧೭೭॥

ರಾವಣನು ಅತ್ಯಂತ ಅಪ್ರೀಯವಾದ, ಅತ್ಯಂತ ವೇದನೆಯನ್ನು ಕೊಡುವ ಈ ಸಂಗತಿಯನ್ನು ಕೇಳಿ, ಜೋರಾಗಿ ನಿಟ್ಟುಸಿರಿಟ್ಟು, ದುಃಖದಿಂದ ಅತ್ತು, ‘ನಾನು ಸಾಯುವುದು ನಿಶ್ಚಯ’ ಎಂದು ತಿಳಿದು ತನ್ನ ಬುದ್ಧಿಯನ್ನು ಗಟ್ಟಿಮಾಡಿಕೊಂಡನು.

ಮರಣಾಭಿಮುಖಃ ಶೀಘ್ರಂ ರಾವಣೋ ರಣಕರ್ಮ್ಮಣೇ ।

ಸಜ್ಜೀಭವನ್ನನ್ತರೈವ ದಿದೇಶ ಬಲಮೂರ್ಜ್ಜಿತಮ್                      ॥೮.೧೭೮॥

ಸಾವಿಗೆ ಅಭಿಮುಖವಾಗಿ ರಾವಣನು ಯುದ್ಧಕ್ಕಾಗಿ  ಸಜ್ಜುಗೊಂಡು, ಒಳಗಡೆಯೇ ಇದ್ದ ವಿಶೇಷ ಸೈನ್ಯಕ್ಕೆ(special force) ಹೊರಡಲು ಆದೇಶಿಸಿದನು.

ಕನ್ನಡ ಪದ್ಯರೂಪ: https://go-kula.blogspot.com/2018/07/8-174-178.html