೧೮. ಭೀಮಾರ್ಜ್ಜುನದಿಗ್ವಿಜಯಃ
ಯದಾ ರಾಮಾದವಾಪ್ತಾನಿ ದಿವ್ಯಾಸ್ತ್ರಾಣಿ
ಪ್ರಪೇದಿರೇ ।
ದ್ರೋಣಾತ್ ಕುಮಾರಾಸ್ತೇಷ್ವಾಸೀತ್ ಸರ್ವೇಷ್ವಪ್ಯಧಿಕೋsರ್ಜ್ಜುನಃ ॥೧೮.೦೧॥
ಯಾವಾಗ ಪರಶುರಾಮನಿಂದ ಪಡೆದ ಅಲೌಕಿಕ ಅಸ್ತ್ರಗಳನ್ನು
ದ್ರೋಣಾಚಾರ್ಯರ ದೆಸೆಯಿಂದ ಕುರುಕುಲದ ರಾಜಕುಮಾರರು ಪಡೆದರೋ(ಅಭ್ಯಾಸ ಮಾಡಿದರೋ), ಆಗ ಅಸ್ತ್ರ
ಪಡೆದ ಎಲ್ಲರಲ್ಲೂ ಕೂಡಾ ಅರ್ಜುನನು ಮಿಗಿಲೆನಿಸಿಕೊಂಡನು.
ನಿಜಪ್ರತಿಭಯಾ ಜಾನನ್ ಸರ್ವಾಸ್ತ್ರಾಣಿ ತತೋsಧಿಕಮ್ ।
ನಾಸ್ತ್ರಯುದ್ಧಂ ಕ್ವಚಿದ್ ಭೀಮೋ ಮನ್ಯತೇ ಧರ್ಮ್ಮಮಞ್ಜಸಾ ॥೧೮.೦೨॥
ತನ್ನ ಸ್ವಾಭಾವಿಕವಾದ ಪ್ರಜ್ಞೆಯಿಂದ ಎಲ್ಲಾ ಅಸ್ತ್ರಗಳನ್ನೂ,
ಅದಕ್ಕೂ ಮಿಗಿಲಾದವುಗಳನ್ನು ತಿಳಿದವನಾದರೂ, ಭೀಮಸೇನನು ಅಸ್ತ್ರಯುದ್ಧವನ್ನು ಆತ್ಯಂತಿಕ ಧರ್ಮ
ಎಂದು ತಿಳಿಯಲಿಲ್ಲ.
ನಹಿ ಭಾಗವತೋ ಧರ್ಮ್ಮೋ ದೇವತಾಭ್ಯುಪಯಾಚನಮ್ ।
ಜ್ಞಾನಭಕ್ತೀ ಹರೇಸ್ತೃಪ್ತಿಂ ವಿನಾ ವಿಷ್ಣೋರಪಿ ಕ್ವಚಿತ್ ॥೧೮.೦೩॥
ದೇವತೆಗಳನ್ನು ಬೇಡುವುದು(ಅಸ್ತ್ರ ಮಂತ್ರಗಳಿಂದ) ಮುಖ್ಯವಾಗಿ
ಭಾಗವತ ಧರ್ಮವಲ್ಲ. ಪರಮಾತ್ಮನಿಂದಲೂ ಕೂಡಾ,
ಜ್ಞಾನ-ಭಕ್ತಿ-ಪ್ರೀತಿ ಇವುಗಳನ್ನು ಬಿಟ್ಟು ಬೇರೆಯದನ್ನು ಬೇಡುವುದು ಭಾಗವತ ಧರ್ಮವಲ್ಲ.
ನಾsಕಾಙ್ಕ್ಷ್ಯಂ ಕಿಮುತಾನ್ಯೇಭ್ಯೋ ಹ್ಯಸ್ತ್ರಂ
ಕಾಮ್ಯಫಲಪ್ರದಮ್ ।
ಶುದ್ಧೇ ಭಾಗವತೇ ಧರ್ಮ್ಮೇ ನಿರತೋ ಯದ್ ವೃಕೋದರಃ ॥೧೮.೦೪॥
ನ ಕಾಮ್ಯಕರ್ಮ್ಮಕೃತ್ ತಸ್ಮಾನ್ನಾಯಾಚದ್ ದೇವಮಾನುಷಾನ್ ।
ನ ಹರಿಶ್ಚಾರ್ತ್ಥಿತಸ್ತೇನ ಕದಾಚಿತ್ ಕಾಮಲಿಪ್ಸಯಾ ॥೧೮.೦೫॥
ದೇವರಿಂದಲೂ ಇದನ್ನು ಬಯಸಬಾರದು ಎಂದ ಮೇಲೆ ಇನ್ನು ಉಳಿದವರಿಂದ ಬಯಸಬಾರದೆಂದು
ಏನು ಹೇಳಬೇಕು? ಅಸ್ತ್ರವು ಕಾಮ್ಯವನ್ನೇ ಕೊಡುವುದಷ್ಟೇ? ಯಾವ ಕಾರಣದಿಂದ ಭೀಮಸೇನನು ಶುದ್ಧವಾದ ಭಾಗವತ ಧರ್ಮದಲ್ಲಿಯೇ ರತನಾಗಿದ್ದಾನೋ, ಆ
ಕಾರಣದಿಂದ ಕಾಮ್ಯಕರ್ಮವನ್ನು ಮಾಡಲಿಲ್ಲ. ದೇವತೆಗಳನ್ನಾಗಲೀ, ಮನುಷ್ಯರನ್ನಾಗಲೀ ಬೇಡಲಿಲ್ಲ.
ನಾರಾಯಣನನ್ನೂ ಕೂಡಾ ಎಂದೂ ಕಾಮಬೇಕೆಂದು ಭೀಮಸೇನ ಬೇಡಲಿಲ್ಲ.
ಭಿಕ್ಷಾಮಟಂಶ್ಚ ಹುಙ್ಕಾರಾತ್ ಕರವದ್ ವೈಶ್ಯತೋsಗ್ರಹೀತ್ ।
ನಾನ್ಯದೇವಾ ನತಾಸ್ತೇನ ವಾಸುದೇವಾನ್ನ ಪೂಜಿತಾಃ ॥೧೮.೦೬॥
ಭಿಕ್ಷೆಯನ್ನು ಬೇಡುತ್ತಾ, ಹುಂಕಾರದಿಂದ, ವೈಶ್ಯನಿಂದ ಒಬ್ಬ ರಾಜ ಕರವನ್ನು ಹೇಗೆ ಸ್ವೀಕರಿಸಬೇಕೋ
ಹಾಗೇ ಭೀಮಸೇನ ಸ್ವೀಕರಿಸಿದ. ಪರಮಾತ್ಮನಿಂದ ಹೊರತುಪಡಿಸಿ ಬೇರೆ ದೇವತೆಗಳು ಭೀಮಸೇನನಿಂದ ನಮಸ್ಕರಿಸಲ್ಪಡಲಿಲ್ಲ,
ಪೂಜಿಸಲ್ಪಡಲಿಲ್ಲ.
ನ ಪ್ರತೀಪಂ ಹರೇಃ ಕ್ವಾಪಿ ಸ ಕರೋತಿ ಕಥಞ್ಚನ ।
ಅನುಪಸ್ಕರಿಣೋ ಯುದ್ಧೇ ನಾಭಿಯಾತಿ ಹ್ಯುಪಸ್ಕರೀ ॥೧೮.೦೭॥
ಪರಮಾತ್ಮನಿಗೆ ವಿರೋಧವನ್ನು ಎಲ್ಲಿಯೂ, ಯಾವಾಗಲೂ ಭೀಮಸೇನ
ಮಾಡಲಿಲ್ಲ. ಯುದ್ಧದಲ್ಲಿ ಯಾರಿಗೆ ಸಲಕರಣೆ ಇಲ್ಲವೋ, ಅವರ ಮೇಲೆ
ಆಯುಧಗಳನ್ನು ಹಿಡಿದು ಹೋಗಲಿಲ್ಲ.
ನಾಪಯಾತಿ ಯುಧಃ ಕ್ವಾಪಿ ನ ಕ್ವಚಿಚ್ಛದ್ಮಾ ಚಾsಚರೇತ್ ।
ನೈವೋರ್ಧ್ವದೈಹಿಕಾನುಜ್ಞಾಮವೈಷ್ಣವಕೃತೇsಕರೋತ್ ॥೧೮.೦೮॥
ಯುದ್ಧದಿಂದ ಯಾವಾಗಲೂ ಓಡಲಿಲ್ಲ. ಯಾವಾಗಲೂ ಕೂಡಾ ಮೋಸದ
ಯುದ್ಧವನ್ನು ಮಾಡಲಿಲ್ಲ. ವಿಷ್ಣುದ್ವೇಷಿಗಳ ಸಂಸ್ಕಾರದ ಅನುಜ್ಞೆಯನ್ನು ಎಂದೂ ಭೀಮಸೇನ ಮಾಡಲಿಲ್ಲ.
ನ ಕರೋತಿ ಸ್ವಯಂ ನೈಷಾಂ ಪ್ರಿಯಮಪ್ಯಾಚರೇತ್ ಕ್ವಚಿತ್ ।
ಸಖ್ಯಂ ನಾವೈಷ್ಣವೈಶ್ಚಕ್ರೇ ಪ್ರತೀಪಂ ವೈಷ್ಣವೇ ನ ಚ ॥ ೧೮.೦೯॥
ತಾನೂ ಅಂತ್ಯಕರ್ಮವನ್ನು ಮಾಡಲಿಲ್ಲ. ವಿಷ್ಣುದ್ವೇಷಿಗಳಿಗೆ
ಎಲ್ಲಿಯೂ ಕೂಡಾ ಪ್ರಿಯವನ್ನು ಮಾಡಲಿಲ್ಲ. ವಿಷ್ಣುದ್ವೇಷಿಗಳೊಂದಿಗೆ ಗೆಳೆತನವನ್ನು ಮಾಡಲಿಲ್ಲ.
ವಿಷ್ಣು ಭಕ್ತರಲ್ಲಿ ಎಂದೂ ದ್ವೇಷವನ್ನು ಮಾಡಲಿಲ್ಲ.
ಪರೋಕ್ಷೇsಪಿ ಹರೇರ್ನ್ನಿನ್ದಾಕೃತೋ
ಜಿಹ್ವಾಂ ಛಿನತ್ತಿ ಚ ।
ಪ್ರತೀಪಕಾರಿಣೋ ಹನ್ತಿ ವಿಷ್ಣೋರ್ವೈನಾನಜೀಘನತ್ ॥೧೮.೧೦॥
ಹಿಂದೆಯೂ
ಕೂಡಾ ಪರಮಾತ್ಮನ ನಿಂದನೆ ಮಾಡಿದವರ ನಾಲಿಗೆಯನ್ನು ಭೀಮ ಕತ್ತರಿಸುತ್ತಿದ್ದ.
ಪರಮಾತ್ಮನಿಗೆ ವಿರುದ್ಧವಾಗಿ ಮಾಡುವವರನ್ನು ಭೀಮ ತಾನೇ ಸಂಹಾರ ಮಾಡಿದ.
No comments:
Post a Comment